Baie welkom by my pragtige outydse huis. Laat ek julle rondwys.

My Pa het hierdie huis in 1925 gebou, maar die buitegeboue met die solder en klein venstertjies was toe alreeds hier sedert die 1800s as gedeelte van die oorspronklike Fourie Plaas van die area. (Glo die perdestalle gewees). Dit is dan ook waar ons historiese straat sy naam vandaan gekry het.

Wanneer jy in hierdie dorp kuier hoef jy nooit weer in jou motorkar te klim om inkopies te doen nie. Die SPAR supermark en ko-operasie is uit die boeke en binne loopafstand. As jy jonger as ek is, sal selfs die fiets doen. Die strate is wyd en baie stil. Moet net nie haastig wees nie, want almal groet en party mense stop jou langs the pad en gesels oor hul blomtuine, vrugtebome ensomeer.

Die huis is groot genoeg vir al julle vriende, kinders en selfs Wagter kan saamkom. 12 Gaste kan gemaklik in die 6 slaapkamers tuisgaan. (Ek is natuurlike vreeslik puntenerig oor linne) Net die beste gehalte kreukelvars lakens is goed genoeg. Daar is 3 badkamers en selfs 'n warm/koue buite-stort (ideaal vir die kinders om hulle sand lywe af te spoel wanneer hulle van die see afkom). Soms wanneer geniemand hier is om te loer nie, dan is dit tog te lekker vir my om so in die aand in die buitelig onder die sterre te gaan stort!